धादिङ । मेरो माइक्रोफाइनान्स लघुबित्त बित्तीय संस्था लि. शाखा कार्यालय भुमेस्थान धादिङमा बार्षिक केन्द्र प्रमुख गाेष्ठी तथा वित्तीय साक्षरता कार्यक्रम सम्पन्न भएको छ ।
नुवाकाेटको बट्टार शाखाका अनुगमन अधिकृत रबिन्द्र प्रसाद कडेलकाे प्रमुख आतिथ्य तथा थाक्रे गाउँपालिका-२ का वडाध्यक्ष टिकाराम तामाङकाे विशेष आतिथ्य सम्पन्न कार्यक्रममा ८० भन्दा धेरै केन्द्रहरुबाट सदस्यहरुको सहभागी थिए ।
कार्यक्रममा सम्पत्ति तथा बचतमा हुने जोखिम तथा न्यूनिकरण, केन्द्र गुणस्तर, बचत तथा कर्जाको महत्व लगायतका विषयमा छलफल भएको छ ।
त्यस्तै कर्जा र बचतको व्यवस्थापन, बचत व्यवस्थापन गर्दा हुने फाईदाहरु,कर्जा सदुपयोगिता र महत्व, डिजिटल बैंकिङ भुक्तानी, संस्थाको नीतिनियम र सेवासुबिधा, एसएमएस सेवा र यसको प्रयोगबारे पनि जानकारी गराइएको शाखा प्रमुख दिनेश दहालले जानकारी दिनुभएको छ । कार्यक्रममा बार्षिक केन्द्र मुल्याङ्कनको आधारमा प्रथम , दोश्रो र तेस्रो गरि पुरस्कार समेत प्रदान गरिएको छ ।
मेरोमाईक्रो फाइनान्स लघुवित्तको यस शाखाले धादिङ जिल्लाको थाक्रे, धुनिबेसी, गल्छी, बेनिघाट रोराङ, सिद्दलेक गाउँपालिकाको दुरदराजसम्मका आम नागरिकलाई सहज र छरितो ढंगबाट सेवा प्रदान गर्दै आएको छ । शाखा प्रमुख दहाल भन्छन्–‘पछिल्लो समय धादिङका जनताको मन जित्न सफल त भएको छ नै वित्तीय चपेटामा परेका आम मानिसको सहयोगी बनेको छ ।`
