धादिङ । धादिङबेसीस्थित पशुपति मन्दिरको जात्रा सकिएको छ । मंगलबार साँझबाट सुरु भएको जात्रा बुधबार विहान थोपल खोलामा फुलले सजाईएको तोरन तारेपछि सकिएको हो ।
बाला चतुर्दशीको अघिल्लो रात भक्तजनहरुले जाग्राम बसेर बत्ति बाल्ने, भजनकृतन गर्ने गर्दछन् । पितृहरुको सम्झनामा रातभर मन्दिर प्राङ्गढमा बसेर बत्ति बाल्दै भजनकृतन गर्ने र विहान भएपछि सतविज छर्ने चलन रहिआएको छ ।
रातभर बालेको बत्ति र फुलअछेता नजिकैको खोलामा स्नान गरेर सेलाउने चलन छ । जात्रामा भजनकृर्तन गर्ने र रातभर जागाराम बसेर पितृहरुको नाममा महाद्विप बाल्ने गरिन्छ ।
गाउँ गाउँबाट फुलको डोली ल्याउने र मृतक आफन्तको नामामा शतबिज छर्ने चलन छ । मनोकामना पुरा होस् भनेर घरमै पुजा लगाएर फुलको डोली पनि लैजाने चलन छ ।
फुलको डोली ल्याउने भक्तजनहरुले नीलकण्ठ–१२ मा रहेको मन्दिर परिसरबार नीलकण्ठ–३ को पिपलबोटमा फुलको तोरन तार्ने प्रचलन रहेको छ ।
