धादिङ । दशौं धादिङ महोत्सवको तेश्रो दिन आज शान्तिश्री परिवार मुख्य कलाकारको रुपमा आउदैछिन् । उनीसँग विष्णु खत्री, मनमाया वाइवा। देवी आले, सिता ढकाल, एलिना क्षेत्री, सन्जु लामालगायतका कलाकारहरु आउदैछन् ।

लोकदोहोरी, आधुनिक गीत, नृत्यसहित राष्ट्रिय तथा स्थानीय कलाकारहरुको मनोरञ्जनात्मक प्रस्तुतिले दर्शकलाई आकर्षित गर्ने अपेक्षा गरिएको छ।

धादिङबेसीस्थित खुला मञ्चमा जारी महोत्सवमा सांस्कृतिक कार्यक्रमसँगै कृषि, उद्योग, पर्यटन तथा स्थानीय उत्पादनको प्रदर्शनी पनि निरन्तर सञ्चालन भइरहेको छ।

जिल्लाको पर्यटन प्रवर्द्धनमा टेवा पुर्‍याउने उद्देश्यसहित संचालन भइरहेको महोत्सवमा विभिन्न परिकारका खाना, कृषिजन्य उत्पादन र अन्य महोत्सवमा जस्तै व्यापार भइरहेको छ ।