धादिङ । राष्ट्रिय स्वतन्त्र पार्टीले संघीय संसद्को संयुक्त सुनुवाइ समितिको सभापतिमा धादिङ–२ बाट निर्वाचित सांसद बोधनारायण श्रेष्ठलाई चयन गरेको छ ।

रास्वपा संसदीय दलको बैठकले उनलाई सुनुवाइ समितिको सभापति बनाएको हो । यो समिति प्रतिनिधिसभा र राष्ट्रिय सभाको संयुक्त समिति हो ।

संसदीय सुनुवाइ समितिमा १५ जना सदस्य हुन्छन् । यस समितिमा बहुमत रास्वपाको छ । त्यस्तै समितिमा ३ जना राष्ट्रिय सभाबाट रहेका छन् ।