काठमाडौ । सरकार गठन भएको एक महिना नपुग्दै प्रधानमन्त्री बालेन्द्र शाह (बालेन)को मन्त्रिपरिषद्का दुई मन्त्रीले पद गुमाएका छन् ।
मन्त्री पद सम्हालेको दुई हप्तामा चैत २६ गते तत्कालीन श्रम, रोजगार तथा सामाजिक सुरक्षामन्त्री दिपककुमार साह बर्खास्तीमा परेका थिए भने गृहमन्त्री सुधन गुरुङले २७ दिनमा पद छाड्नु परेको छ ।
विवादित व्यापारी दीपक भट्टसँग व्यापारिक साझेदारी देखिएपछि गृहमन्त्री गुरुङले बुधबार प्रधानमन्त्री बालेनसमक्ष राजीनामा बुझाएका हुन् । दुई दिनअघि नै उनको विवाद बाहिर आएको भए पनि ढिला गरी उनले राजीनामा बुझाएका हुन् ।
गुरुङ विवादमा परेपछि प्रधानमन्त्री शाह र रास्वपा सभापति रवि लामिछानेले बुधबार विहानै राजिनामा दिन भनेका थिए । सुदनले दिउसो मात्रै राजिनामा दिएका हुन् । गुरुङले प्रधानमन्त्री शाहलाई मन्त्रिपरिषद् कार्यालय नै पुगेर राजीनामा दिएका हुन् । उनले राजीनामा दिएपछि शाह आफैँले तत्कालका लागि गृहमन्त्रालय राखेका छन् ।
