धादिङ । सूर्यज्योती लाइफ इन्स्योरेन्स कम्पनी लिमिटेडको १८औँ वार्षिकोत्सवका अवसरमा धादिङ शाखाले शुभकामना आदानप्रदान कार्यक्रम गरी उत्सव मनाएको छ ।
आफ्ना सेवाग्राही, अभिकर्ता तथा सरोकारवालाहरूबीच खुसी साटासाट गर्दै वार्षिकोत्सव मनाएको हो । कम्पनीको व्यावसायिक सफलता र सेवा विस्तारको यात्रालाई थप उचाइमा पु¥याउने संकल्पसहित अघि बढेको शाखा प्रमुख जीवन सिलवालले बताए ।
सूर्यज्योतीले देशभर १ लाख ७ हजार भन्दा बढी अभिकर्तामार्फत सेवा दिइरहेको छ । १७ प्रकारका बीमा योजना र ३५ प्रकारका घातक रोगको उपचार सुविधाले गर्दा सूर्यज्योतीप्रति जनविश्वास बढ्दै गएको सिलवालले बताए ।
धादिङ शाखाले जिल्लामा बीमाको पहुँच विस्तार गर्न र नागरिकलाई आर्थिक सुरक्षाको दायरामा ल्याउन प्रशंसनीय भूमिका खेलेको भन्दै कार्यक्रममा सहभागीहरुले सूर्यज्योतीको प्रशंसा गरेका छन् । सहभागीहरूले बीमा क्षेत्रलाई अझ प्रविधिमैत्री र सेवाग्राहीमुखी बनाउनुपर्नेमा जोड दिएका थिए ।
