काठमाडौं । राष्ट्रपति रामचन्द्र पौडेलले एउटा अध्यादेश जारी गरेका छन् । सरकारले ६ वटा अध्यादेश सिफारिस गरेपनि राष्ट्रपति पौडेलले आज सहकारी (पहिलो संशोधन) अध्यादेश २०८३ मात्र जारी गरेका हुन् ।

मन्त्रिपरिषद्को सिफारिसमा संविधानको धारा ११४ को उपधारा १ बमोजिम उक्त अध्यादेश जारी गरेको राष्ट्रपति कार्यालयले जारी गरेको विज्ञप्तिमा उल्लेख छ ।

बाँकी ५ अध्यादेश अध्ययनकै क्रममा रहेको भन्दै होल्ड गरिएको छ । संवैधानिक परिषद्, विश्वविद्यालय तथा स्वास्थ्य विज्ञान प्रतिष्ठान, केही नेपाल ऐन संशोधन अध्यादेश, सार्वजनिक पदाधिकारी पदमुक्ति अध्यादेश र सार्वजनिक खरिद ऐन संशोधन अध्यादेशबारे राष्ट्रपतिले संविधानविद्हरूसँग परामर्श गर्दैछन् ।