काठमाडौं । राजस्थान रोयल्सले इन्डियन प्रिमियर लिग (आईपीएल)मा लखनउ सुपर जायन्ट्सविरुद्ध सात विकेटको सहज जित निकालेको छ ।
मंगलबार जयपुरस्थित सवाई मानसिंह रंगशालमा लखनउले प्रस्तुत गरेको २२१ रनको लक्ष्य घरेलु टोली राजस्थानले पाँच बल बाँकी रहँदा तीन विकेट गुमाएर पूरा गर्यो ।
राजस्थानका वैभव सूर्यवंशीले ९३ रनको उत्कृष्ट इनिङ खेले । उनले ३८ बलमा १० छक्का र सात चौका प्रहार गरे ।
धुव्र जुरेल ५३ रनमा अविजित रहे । उनले ३८ बलमा समान तीन चौका र छक्का प्रहार गरे । कप्तान यशस्वी जैसवालले ४६ र डोनोभान फरेराले अविजित १६ रन जोडे ।
सूर्यवंशीले दोस्रो विकेटका लागि जुरेलसँग १०५ रनको शतकीय र पहिलो विकेटका लागि जैसवालसँग ७५ रनको अर्धशतकीय साझेदारी गरेका थिए ।
लखनउका लागि आकाश सिंह र मोहसिन खानले समान एक विकेट लिए ।
त्यसअघि टस हारेर ब्याटिङमा आएको लखनउले निर्धारित २० ओभरमा पाँच विकेट गुमाउँदै २२० रनको योगफल खडा गरेको थियो ।
लखनउका मिचेल मार्शले ९६ रनको उत्कृष्ट इनिङ खेले । उनले ५७ बलमा ११ चौका र पाँच छक्का प्रहार गरे ।
जोस इंग्लिसले ६० रन जोडे । उनले २९ बलमा सात चौका र तीन छक्का प्रहार गरे । कप्तान ऋषभ पन्तले ३५ र निकोलस पुरनले १६ रन बनाए ।
पहिलो विकेटका लागि मार्श र इंग्लिसबीच १०९ रनको शतकीय साझेदारी भएको थियो । चौथो विकेटका निम्ति मार्श र पन्तले ६४ रनको अर्धशतकिय साझेदारी गरेका थिए ।
राजस्थानका यशराज पुञ्जले दुई र जोफ्रा आर्चरले एक विकेट लिए ।
जितसँगै १३ खेलमा १४ अंक जोडेर चौथो स्थानमा उक्लिएको राजस्थानले प्लेअफ सम्भावनालाई जिवितै राखेको छ । पराजित लखनउ समान खेलबाट आठ अंकका साथ पुछारमा छ ।
