धादिङ । धादिङको नीलकण्ठ नगरपालिका–८ कुमालगाउँकी बालिका प्रतिक्षा कुमाल आइतबार दिउँसोबाट सम्पर्कविहिन बनेकी छिन् ।

स्थानीय रत्नदेवी आधारभुत विद्यालयको कक्षा ७ मा अध्ययनरत बालिका आइतबार दिउँसो १२ बजेदेखि घर परिवारको सम्पर्कमा नआएकी हुन् ।

विद्यालयको लागि चाहिने रेडक्रसको सामान किन्न धादिङबेसी बजार जान्छु भनेर घरबाट निस्किएकी बालिका घर नफर्किएको उनका बुबा डल्ले कुमालले बताए । बुबा डल्ले र आमा सीता कुमाल अहिले छोरीको खोजीमा हिँडिरहेका छन् ।

दुई सय पचास रुपैंया लिएर बजार जान भन्दै घरबाट निस्किएकी छोरी नफर्किएपछि चिन्तित बनेका अभिभावक छोरीको खोजीका लागि हारगुहार गरिरहेका छन् । कहिकतै देखियो र भेटियो भने नजिकको प्रहरी कार्यालयमा सम्पर्क गरिदिन आग्रह गरेका छन् ।