धादिङ । विश्व वातावरण दिवसको अवसरमा नेपाल रेडक्रस सोसाइटी युथ रेडक्रस सर्कल, नीलकण्ठ बहुमुखी क्याम्पसले धादिङबेसीमा सचेतना र्याली निकालेको छ ।
वातावरण संरक्षण, स्वच्छता तथा हरित जीवनशैलीप्रति जनचेतना अभिवृद्धि गर्ने उद्देश्यले क्याम्पसका विद्यार्थी, शिक्षक तथा रेडक्रस सर्कलका सदस्यहरूले र्याली निकालेका हुन् ।
विभिन्न चेतनामूलक नारासहित निकालिएको ¥याली पश्चात विपि पार्क र नीलकण्ठ बहुमुखी क्याम्पस परिसरमा सरसफाई गरिएको छ ।
र्यालीमा सहभागीहरूले वातावरण संरक्षण प्रत्येक नागरिकको साझा जिम्मेवारी भएको उल्लेख गर्दै सफा र स्वच्छ वातावरण निर्माणका लागि निरन्तर चेतनामूलक कार्यक्रम आवश्यक रहेको बताएका छन् ।
रेडक्रस सर्कल नीलकण्ठ बहुमुखी क्याम्पसका अध्यक्ष सन्दिप रिजालले मानव लापरबाही र बेवास्ताका कारण वातावरणमा नकारात्मक असर परिरहेकोले वातावरण र प्रकृतिको संरक्षणमा विद्यार्थीको भूमिका महत्वपूर्ण रहेको उल्लेख गरे ।
