धादिङ । धादिङको नेत्रावती डबजोङ गाउँपालिकामा समग्र शान्ति सुरक्षाको समीक्षासहित नागरिक सुनुवाइ कार्यक्रम सम्पन्न भएको छ। जिल्ला प्रहरी कार्यालय धादिङको आयोजनामा वडा नं ३ सेमजोङस्थित गाउँपालिकाको सभाहलमा सो कार्यक्रम भएको हो।

गाउँपालिकाका अध्यक्ष मेघनाथ रिजालको प्रमुख आतिथ्यता तथा जिल्ला प्रहरी कार्यालय धादिङका प्रहरी नायव उपरीक्षक प्रकाश दाहालको अध्यक्षतामा कार्यक्रम सम्पन्न भएको हो।

कार्यक्रममा गाउँपालिकाका सबै वडा अध्यक्ष तथा सदस्यहरू, राजनीतिक दलका प्रतिनिधि, विभिन्न पेसा व्यवसायी, टोल सुधार समिति, आमा समूह, समाजसेवी, कर्मचारी र स्थानीय बासिन्दाको उपस्थिति थियो। सहभागीहरूले पालिकाको शान्ति सुरक्षाको अवस्थाबारे समीक्षा गर्दै आ-आफ्नो धारणा राखेका थिए।