धादिङ । पहिरोको जोखिम भएपछि पृथ्वी राजमार्गमा रातभरि रोकिएका सवारीसाधन बिहानबाट खुलेका छन् । रातभरि जाममा रहेका सवारीसाधन अहिले बाहिरिने र भित्रिने क्रम सुरु भएपछि पृथ्वीराजमार्गमा सवारीको चाप बढेको छ ।

रातीको समयमा पहिरो जान सक्ने जोखिम देखिएकाले जिल्ला प्रशासन कार्यालय धादिङले सोमबार साँझ सूचना जारी गरी सवारी आवागमनमा रोक लगाएको थियो ।

रोकिएका सवारीहरुलाई अहिले गन्तव्यतर्फ पठाइदैछ । ट्राफिक प्रहरी ठाउँ ठाउँमा खटिएकाले सबै सवारीसाधन केही समयमा ‘क्लियर’ हुने ट्राफिक प्रहरीले जनाएको छ ।