धादिङ । रसुवा हुँदै त्रिशुली नदीमा आएको बाढीले जिल्ला सदरमुकाम धादिङबेँसी आउने गजुरी गाउँपालिका-२ र सिद्दलेक-६ जोड्ने फुर्केखोला पुल बगाएको छ।

गजुरी-५ र सिद्दलेक-७ घाटबेसीको पुल, गजुरी-६ र सिद्दलेक-७ जोड्ने जरेखेतको पुल बगाएको छ ।

त्रिशुली नदीको पानी महेश दोभानबाट फर्किएर गल्छी-६ बैरेनीबजार जलमग्न भएको छ ।

बुधबार बिहान आएको बाढीले पुल बगाएपछि उक्त सडकखण्डमा आवागमन प्रभावित भएको छ। पुल बगेसँगै फुर्केखोला आसपासका बासिन्दालाई जिल्ला सदरमुकाम आवतजावत गर्न समस्या भएको छ।
गल्छी, जिन्टेटार र मासटारको पुल यतिबेलासम्म सुरक्षित छ । बाढीको क्षतिको विवरण आउन बाकी रहेको छ।