धादिङ । भोटेकोसीमा आएको बाढीले नुवाकोटको बाढी प्रभावित क्षेत्रमा विद्युत् लाइन पूर्ण रूपमा बगाएपछि सञ्चार सम्पर्कविहीन भएका नागरिकका लागि राहतस्वरूप विद्युत् जेनेरेटर उपलब्ध गराइएको छ ।
विद्युत् सेवा अवरुद्ध हुँदा स्थानीयहरूले मोबाइल तथा इलेक्ट्रोनिक सामान चार्ज गर्न नपाएर सञ्चार सम्पर्क टुटेको अवस्थालाई ध्यानमा राख्दै जेनेरेटर उपलब्ध गराइएको हो ।
धादिङको गजुरी गाउँपालिकाकी पूर्व उपाध्यक्ष डा. सीता ढुंगानाको विशेष पहलमा बाढी अति प्रभावित क्षेत्रका लागि २.४ केभिए क्षमताको जेनेरेटर, तार तथा मल्टिप्लगहरू उपलब्ध गराइएको छ।
उक्त जेनेरेटर बाढी अति प्रभावित क्षेत्रका रूपमा रहेको विदुर नगरपालिका वडा नं. ३ का वडाध्यक्ष बद्री रिमाललाई हस्तान्तरण गरिएको छ। <span;>यसबाट सर्वसाधारणलाई मोबाइल तथा टर्चलाइट चार्ज गर्न, वडाका प्रशासनिक कामहरू सम्पादन गर्न राहत पुग्नेछ।
