धादिङ । रसुवाको भोटेकोसीमा आएको बाढीपछि धादिङका विभिन्न तीन वटा सेफ (लकर) फेला परेको छ ।

बेनीघाट, बैरेनी र सिद्धलेकमा ती सेफ फेला परेका हुन् । बेनीघाटमा भेटिएको सेफ प्रहरीले आफ्नो नियन्त्रणमा लिएर सुरक्षित राखेको जिल्ला प्रहरी कार्यालय धादिङका प्रहरी नायव उपरीक्षक प्रकाश दाहालले जानकारी जानकारी दिनुभयो ।

सिद्धलेकमा आइतबार बिहान फेला परेको अर्को सेफ भने बोकेर सडकसम्म ल्याउन नसकिएपछि सुरक्षाकर्मीले त्यहीँ पहरा दिएर राखेका छन् ।

यसैबीच, बैरेनीमा फेला परेको सेफ प्रहरीलाई खबर नगरी आपसमा फुटाएर नगद बाँडेको अभियोगमा प्रहरीले २९ जनालाई पक्राउ गरेको छ । घटनाबारे थप अनुसन्धान भइरहेको प्रहरीले जनाएको छ ।