धादिङ । रसुवाको भोटेकोशी नदीमा आएको विनाशकारी बाढीबाट प्रभावित धादिङका चार स्थानीय तहका लागि सरकारले एक करोड ८० लाख रुपैयाँ निकासा गरेको छ ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार गल्छी गाउँपालिकालाई सबैभन्दा बढी ६० लाख रुपैयाँ निकासा गरिएको छ भने सिद्धलेक, गजुरी र बेनीघाट रोराङ गाउँपालिकाका लागि ४०/४० लाख रुपैयाँ छुट्याइएको छ ।

यसअघि भोटेकोशी हुँदै त्रिशूली नदीमा बाढी आएलगत्तै सरकारले धादिङका लागि प्रारम्भिक उद्धार तथा राहतस्वरूप ५० लाख रुपैयाँ उपलब्ध गराउने निर्णय गरेको थियो ।