धादिङ । बेनिघाट रोराङ गाउँपालिकाले भोटेकोसीको विनाशकारी बाढीमा परी अभिभावक गुमाएका ५० जना बालबालिकालाई कक्षा १२ सम्म निःशुल्क आवासीय शिक्षा प्रदान गर्ने भएको छ ।

बाढीबाट असहाय बनेका बालबालिकाको संरक्षण र शिक्षाको निरन्तरता सुनिश्चित गर्न गाउँपालिकाले आफ्नै आवासीय विद्यालयमा पठनपाठन, गाँस र बासको पूर्ण व्यवस्था गर्ने निर्णय गरेको हो ।

रसुवा, नुवाकोट र धादिङ तीनवटै जिल्लाका सम्बन्धित स्थानीय तहको सिफारिसमा पठनपाठन गराइने गाउँपालिकाका अध्यक्ष कृष्ण बहादुर थपलिया (विवेक)ले बताउनुभयो ।

अभिभावकविहीन बालबालिकाको भविष्य सुरक्षित र उज्यालो बनाउने उद्देश्यले यो कदम चालिएको गाउँपालिकाले जनाएको छ ।