धादिङ। धादिङको गजुरी गाउँपालिकाले भोटेकोसी बाढीमा परी ज्यान गुमाएका आफ्न नागरिकहरुको परिवारलाई एक लाख सहयोग गर्ने भएको छ ।
कामको सिलसिलमा रसुवा तथा नुवाकोट पुगेका ९ जना नागरिकहरु बाढीमा बेपत्ता भएका थिए । त्यसमध्ये सात जनाको परिवारले सास फर्किने आस मारेर काजकिरिया सुरु गरेका छन् ।
सम्पर्क बिहिन भएका मध्ये गजुरी-२ का बिक्रम तामाङ र गजुरी-५ का गोपी राईको परिवारले खोजी जारी राखेका छन् ।
गजुरी-६ मिलनटारका प्रकाश ग्यामी मगर र कसिस श्रेष्ठको शव भेटिएपछि परिवारले अन्तिम दाहसंस्कार गरि काजकिरिया गरेका हुन् । गजुरी-१ का जयराम घिमिरे, गजुरी-६ का सुवास तामाङ, प्रमोद ग्यामी मगर, प्रविन ग्यामी मगर र गजुरी-८ कि सरस्वती अधिकारीको कुसको सब बनाएर दाहसंस्कार गरि काजकिरिया गरिएको हो ।
भदौ १० गते र १४ गतेको बाढीबाट गजुरी गाउँपालिकाको दुई सय ६० घर परिवार प्रत्यक्ष अप्रत्यक्ष प्रभावित बनेका छन् ।
