धादिङ। बाढी, पहिरो तथा डुबानको जोखिम बढेपछि आज बेलुका ८ बजेबाट पृथ्वी राजमार्ग पूर्ण रूपमा बन्द गरिने भएको छ ।

जिल्ला प्रशासन कार्यालय धादिङले सूचना जारी गर्दै बिहीबार बेलुका ८ बजेदेखि शुक्रबार बिहान ५ बजेसम्म पृथ्वी राजमार्ग भएर चल्ने सम्पूर्ण सवारीसाधनको आवागमनमा रोक लगाएको हो ।

आगामी केही दिनसम्म भारीदेखि अति भारी वर्षा हुनसक्ने मौसम पूर्वानुमान रहेको भन्दै प्रशासनले यात्रु तथा सवारीसाधनको सुरक्षालाई मध्यनजर गरी राजमार्ग बन्द गर्ने निर्णय गरेको जनाएको छ ।

आपतकालीन अवस्थामा नेपाल प्रहरी १००, सशस्त्र प्रहरी १११४, जिल्ला आपतकालीन सञ्चालन केन्द्र १२३४ वा ०१०–५२१४६४ मा सम्पर्क गर्न सकिने प्रशासनले जनाएको छ ।