धादिङ । धादिङको कृष्णभिरमा पहिरो खसेपछि अवरुद्ध पृथ्वी राजमार्ग एकतर्फी सञ्चालनमा आएको छ । थप पहिरो नझरे सडक नियमित संचालन गर्न सकिने बेनिघाट रोराङ गाउँपालिकाका–७ वडाध्यक्ष कुमार बस्नेतले जानकारी दिए ।

तत्काल दुईतर्फी सडक सञ्चालनमा ल्याउन भने कठिन छ । सडकको तल्लो र माथिल्लो दुबैतिरबाट पहिरो चल्न थालेपछि बिहीबार राति राजमार्ग अवरुद्ध भएको थियो । पहिरोको जोखिमका कारण रातभर पृथ्वीराजमार्ग बन्द भएको थियो ।

गत भदौ १४ गते कृष्णभिर क्षेत्रको सडक भासिएपछि नयाँ डाइभर्सन बनाएर यातायात सन्चालन गरिएको थियो । सोही अस्थायी डाइभर्सनमा पहिरो झरेर बाटो बन्द भएको थियो ।