धादिङ । वर्षासँगै पहिरोले अवरुद्ध पृथ्वी राजमार्ग र नारायणढ मुग्लिन सडक अधिकांश स्थानमा एकतर्फी खुलेको छ । धादिङको गजुरी गाउँपालिकास्थित छहराको पहिरो पन्छाउन केहीबेर लाग्ने भएपनि अन्यत्रको पहिरो पन्छाएर सवारी संचालन गर्न सक्ने बनाइएको छ ।

पहिरो पन्छाइएको स्थानहरुबाट होल्ड भएका सवारी पास गराउन थालिएको छ । नागढुंगा–मुग्लिन सडक खण्डको विभिन्न १० ठाउँमा पहिरो खसेको थियो ।

नागढुंगा मुग्लिन सडक आयोजनाका अनुसार कृष्णभिर, ज्यामिरेघाट चौकीभिर, घोप्टेभिर र सिमलधारा, शीलतबजार, गोमती खोला, हुग्दी खोलादेखि जवाङ खोला, फिस्लिङ, चुम्लिङटार र धारापानी क्षेत्रमा पहिरो खसेको थियो ।