सात महिनादेखि जारी युद्ध अन्त्य गर्न अमेरिका र इरानका अधिकारीहरूले सोमबार मध्यस्थकर्तासँग छुट्टाछुट्टै छलफल गरेका छन्।
दुवै देशका अधिकारीहरूका अनुसार युद्धविराम र शान्ति वार्तालाई पुनः अघि बढाउने प्रयासअन्तर्गत पछिल्लो संवाद भएको हो। आगामी छलफल गत साता संयुक्त राष्ट्रसंघको महासभाको क्रममा इरानले प्रस्तुत गरेको सातदिने प्रस्तावको संशोधित स्वरूपमा केन्द्रित हुन सक्ने समाचार संस्था रोयटर्सले जनाएको छ।
फेब्रुअरीको अन्त्यमा अमेरिका र इसराइलले इरानसँग युद्ध सुरु गरेका थिए। सात महिनादेखि जारी युद्धमा हजारौं मानिसको मृत्यु भएको छ भने तेल आपूर्तिका लागि महत्वपूर्ण समुद्री मार्ग स्ट्रेट अफ हर्मुज अवरुद्ध हुँदा विश्व बजारमा समेत असर परेको छ।
यसअघि मध्यस्थता मार्फत भएका वार्तामा अमेरिका र इरानले अप्रिल र जुनमा दुईपटक युद्धविराममा सहमति गरेका थिए। तर दुवै सहमति लामो समय टिक्न सकेनन्।
