धादिङ । नागढुंगा मुग्लिन सडक खण्ड अन्तर्गत धादिङको गजुरी गाउँपालिका–२ छहरामा खसेको सुख्खा पहिरो हालका लागि पन्छाइएको छ ।

सुख्खा पहिरो खसेर अवरुद्ध बन्ने र खुलाउने क्रम जारी रहेपनि अहिले दुईतर्फी सवारी खुलाइएको हो । अपहन्नमा पनि पहिरो पन्छाएको केहीबेर सवारी छोडिएपनि पुनःपहिरो खसेपछि अवरुद्ध बनेको थियो ।

पहिरो पूर्ण रुपले रोक्किनसकेकोले जोखिम भने टरेको छैन । पहिरो पन्छाएपछि राजमार्गमा होल्ड भएका सवारीहरुलाई गन्तव्यतर्फ पास गराइएको छ ।

राजमार्ग क्षेत्रमा होल्ड भएका सवारीको चाप अत्याधिक भएको र पहिरो पूर्ण रुपले नरोकिएकोले अत्यावसेक बाहेक यात्रा नगर्न आग्रह गरिएको छ ।