धादिङ । भदौ १० गतेको बाढीले त्रिशूली नदीमाथिका अधिकांश पुल बगाएपछि नुवाकोटका स्थानीय अझैपनि ज्यान जोखिममा पारेर तुइनको भरमा यात्रा गर्न बाध्य भएका छन् ।
नदी वारपार गर्ने पुलहरू बगेसँगै विशेषगरी विदुर नगरपालिका–१ र ९ का बासिन्दालाई त्रिशूली तर्न तुइन र जिपलाइन बाहेक अर्को विकल्प छैन । खाद्यान्न, औषधि तथा अत्यावश्यक सामग्री त्रिशूली बजारतर्फ लैजान होस् वा त्रिशूली बजारबाट विदुरको ढुंगे वा रसुवा जान, हरेक काममा नागरिकले दैनिक ज्यानै जोखिममा राखेर तुइनकै साहारा लिनुपरेको छ ।
बाढीले पु¥याएको क्षतिपछि त्रिशूली नदी वारीपारीका बस्ती र बजार जोड्न विदुर नगरपालिका–१ इन्द्रायणीघाटमा दुई वटा आधुनिक तुइन र एउटा जिपलाइन जडान गरी सञ्चालनमा ल्याइएको छ । यसबाहेक, विदुर वडा नं ४ र १२ जोडने सिमचौर तथा वडा नं ५ र ३ जोडने देवीघाटमा पनि तुइन नै आवातजावतको मुख्य माध्यम बनेको छ ।
बाढीले क्षति पु¥याएको ४३ दिन भयो । राज्यको ध्यान समयमै नपुग्दा यी बस्तीका बासिन्दाहरू अझै जोखिमपूर्ण तुइनको भर पर्न विवश छन् ।
तस्बिरहरूः शंकर श्रेष्ठ
