धादिङ । पृथ्वी राजमार्गअन्तर्गत धादिङको गजुरी–५, गलौदी नजिक सडक भासिएको स्थानमा नयाँ डाइभर्सन निर्माणको काम धमाधम भइरहेको छ । त्रिशूली नदीको कटानले सडक नदीतर्फ भासिएर अवरुद्ध सडक खुलाउन भासिएकै सडकको कुनाबाट भित्ता काटेर नयाँ डाइभर्सन निर्माण गरिएको हो ।

नागढुंगा–मलेखु सडक खण्डको गलौदीमा सडकको आधा भाग करिव २० मिटर सडक भासिएर नदीतर्फ खसेको छ भने झण्डै ७० मिटर सडक चिरा परेको छ । चिरा परेको सडक समेत छिचोल्नेगरी करिब एक सय २० मिटर नयाँ डाइभर्सन बनाइदैछ ।

तस्बिरहरु : शंकर श्रेष्ठ-धादिङ