धादिङ । बुढीगण्डकी नदीमा आएको बाढीले धादिङको त्रिपुरासुन्दरी गाउँपालिका-२ बिशालनगरस्थित स्याउली बजारको सुकुम्बासी बस्ती बगाएको छ ।

नदी तटिय क्षेत्रसंग जोडिएको बस्ती सिमेन्ट र बालुवाको घोला जस्तो लेदोले बगाएको हो । सुकुम्बासी बस्ती पुरै बगाएको त्रिपुरासुन्दरी गाउँपालिका-२ कृष्ण बहादुर खत्रीले जानकारी दिनुभयो । सुकुम्बासी बस्ती र स्याउली बजार गरि करिब ६० घरमा क्षति पुगेको खत्रीले जानकारी दिनुभयो ।

बाढीले धादिङ र गोरखा जोड्ने आरुघाटको पक्की पुल पनि बगाएको छ । पुलको गोरखातर्फ आधा भाग बगाएको छ भने धादिङतर्फको सडकमा बाढी उक्लिएको छ । तटिय क्षेत्रका घरहरुमा पनि क्षति पुगेको छ ।