धादिङ । बूढीगण्डकी नदीमा आएको बाढीले क्षतिग्रस्त बनेको विशालनगर र आरुघाट क्षेत्रका बाढी प्रभावितलाई त्रिपुरासुन्दरी गाउँपालिकाले खाद्यान्नको व्यवस्था गरेको छ ।

विशालनगरस्थित स्याउली बजारको सुकुम्बासी बस्तीका घरहरू बगाएपछि प्रभावितहरूका लागि खाद्यान्नको व्यवस्था गर्न गाउँपालिका तत्कालै सो क्षेत्रमा पुगेको हो ।

साँझ बास बस्नका लागि त्रिपालको पनि व्यवस्था भइरहेको गाउँपालिका उपाध्यक्ष देवराज धरेलले जानकारी दिनुभयो ।

बाढीले स्याउली बजार क्षेत्रको सुकुम्बासी बस्तीसहित ६० घरमा क्षति पु¥याएको छ भने आरुघाटस्थित नयाँपुलको आधा भाग बाढी बगाएको छ ।