धादिङ । संघीय सरकारको संसदीय सुनुवाई समितिका सभापति एवं राष्ट्रिय स्वतन्त्र पार्टीबाट निर्वाचित सांसद (धादिङ–२) बोधनारायण श्रेष्ठले स्थानीय सरकारले पनि आफ्नो जिम्मेवारी पुरा नगरेको शंकेत गरेका छन् ।
एउटै कार्यक्रममा केहीबेर अघि नेपाल नगरपालिका संघका अध्यक्ष एवं् धादिङको नीलकण्ठ नगरपालिकाका मेयर भीम प्रसाद ढुंगानाको कटाक्षलाई जवाफ फर्काउँदै श्रेष्ठले भने “सरकार तीन वटा छ । यो देशमा केन्द्र सरकार मात्रै हो ? अरु सरकार सबै फेल भैसकेको होर ? १० मिटरको पुल हाल्न पनि मै उभिनुपर्ने हो ?”
आफू केही नगरी संघीय सरकारलाई दोष स्थानीय सरकार गाली गलौजमा उत्रिएको शंकेत गरे । “ मेरो घर अगाडि बाटो पिँच भएन भनेर सरकार परिवर्तन भएको होइन, यो मत आएको पनि होइन । मेरो घर अगाडि बनेको बाटोमा भ्रष्टाचार भयो, सुशासन भएन, राजदुत किनबेच भयो भनेर यो सरकार परिवर्तन भएको हो । त्यसको ब्रेकथु्र हामीले गरेका छौं”, श्रेष्ठले भने ।
२५ वर्षको हिसा जतिसुकै पुष्ट्याइ गर्दापनि अब जनताले हिसाब गर्ने उनले बताए । धादिङको ज्वालामुखी, नीलकण्ठ र सिद्दलेकको सिमानामा रहेको पुल बनाउने कुरामा वडाले समेत वास्ता नगरेको उल्लेख गर्दै श्रेष्ठले भने–“पैंतीस बर्षमा के के भयो त्यसको जवाफ जनताले दिनेछन्, पुल बनेकोमा हैन पुल बनाउदा भएको अनियमितताले गर्दा जनताले बिकल्प खोजेको हो ।”
