धादिङ । दशैं भन्ने बित्तिकै पिङको सम्झना धेरैलाई आउथ्यो । तर, पछिल्लो वर्षहरुमा पिङमा रौनक देखिन छोडेको छ । अघिल्लो वर्षहरुमा रोटे पिङ, चर्खे पिङ, लिङ्गे पिङ हालिएको अधिकांश स्थानमा पनि यस वर्ष हालिएका छैनन् । हालिएका पिङमा पनि खेल्नेहरु देखिदैनन् ।
हुन त यस वर्ष धादिङ, नुवाकोट र रसुवाका स्थानीयलाई भोटेकोसी र बूढीगण्डकी बाढीको प्रत्यक्ष मारले दशैंको त्यत्ति उल्लास छैन । त्यसमाथी पनि गाउँमा यूवा छैनन् । सामाजिक संजालको बढ्दो प्रयोगसँगै बालबालिका मोबाइलमै व्यस्त छन् । त्यसकारण पनि पिङमा रौनक नदेखिएको स्थानीय पाकाहरु बताउँछन् । धादिङ नीलकण्ठ नगरपालिका–३ का कृष्णबहादुर पाठक भन्छन्–‘पहिलेजस्तो गाउँमा यूवा छैनन् । भएकाहरुपनि सबै आफ्नै तालमा खानेखेल्ने गर्छन् । बालबच्चा मोबाइमै बिजी हुन्छन् । पिङतिर आउने रमाउने भन्ने चलन नै हराउन थाल्यो ।’
तस्बिरहरु : शंकर श्रेष्ठ
