टीका र आशिर्वादसँगै टीका थाप्ने र गन्तव्यतिर हिँड्नेको चहलपहल बढ्यो (तस्बिरमा हेर्नुहोस्)

धादिङ । बडादसैँको टीका सुरु भएसँगै मान्यजन र आफन्तबाट आशिर्वाद थापेर गन्तव्यतिर लाग्नेहरूको चहलपहल धादिङमा ह्वात्तै बढेको छ ।

निधारमा रातो टीका र कानमा जमरा लगाएर माइती-मामाली जाने, साना बच्चा बोक्दै वा डोहोर्‍याउँदै हिँड्ने र कोसेलीका झोला बोकेर गाडी पर्खिने यात्रुहरूको सडकमा बाक्लो उपस्थिति छ ।

सडकमा सवारी साधन र यात्रुको चाप बढेको छ भने गाउँघरमा परिवारसँग समय बिताउने र लिङ्गे पिङ खेल्नेहरूको छुट्टै रौनक देखिन्छ।