बंगलादेशमा जारी सेन्ट्रल एसिया भलिबल संघ (काभा) कप पुरूष भलिबल प्रतियोगितामा नेपालले चौथो हार ब्यहोरेको छ।

सोमबार भएको समूह चरणको अन्तिम खेलमा नेपालले श्रीलंकासँग ३-० को सोझो सेटमा पराजय भोगेको हो।

६ राष्ट्र सहभागी प्रतियोगिताको आफ्नो पाँचौ खेलमा नेपालले कमजोर खेल देखायो। नेपालमाथि श्रीलंकाले २५-१८, २५-१७ र २५-२० को जित निकाल्यो।

यसअघि नेपालले अफगानिस्तान र तुर्कमिनिस्तानसँग पनि ३-० को सेटमा पराजय भोगेको थियो। बंगलादेशसँग ३-२ को हार ब्यहोरेको नेपालले पाँच खेल मध्ये एक खेलमा जित निकाल्ने क्रममा माल्दिभ्स ३-० को सेटले हराएको थियो।

समूह चरणमा पाँच हारसँगै नेपाल पाँचौ स्थानमा समिति रह्यो। अब नेपालले मंगलबार पाँचौ स्थानको प्लेअफमा माल्दिभ्ससँग खेल्नेछ।