धादिङ । लागु पदार्थ सेवन गरी सवारी चलाएको बेला धादिङबेसीबाट पक्राउ परेका दुई जनालाई पाँच दिनको म्याद थप भएको छ । मंगलबार पक्राउ परेका उनीहरुमाथी बुधबार जिल्ला अदालत धादिङबाट म्याद थप गरी अनुसन्धान थालिएको हो ।
जिल्ला प्रहरी कार्यालय धादिङ, ट्राफिक प्रहरी कार्यालय धादिङबेसी, धादिङ अस्पताल तथा जिल्ला जनस्वास्थ्य कार्यालय धादिङको संयुक्त टोलीले लागुपदार्थ सेवन चेकजाँच गर्ने क्रममा उनीहरु पक्राउ परेका थिए ।
पक्राउ पर्नेमा ना १ ज ९००५ नम्बरको म्याजिक गाडी चालक २६ वर्षीय दिपक रिजाल र बा.प्र. ०१–००२ ज ८८५९ नम्बरको ट्याक्सी चालक ललितपुरका ४३ वर्षीय बिनेस थापा रहेका छन् ।
जिल्ला प्रहरी कार्यालय धादिङका प्रहरी नायव उपरीक्षक प्रकाश दाहालका अनुसार चैत्र महिनादेखि हालसम्म जिल्लाभित्र २१ जना चालक लागू पदार्थ सेवन गरी सवारी साधन चलाएको अवस्थामा पक्राउ परेका छन् । उनीहरूविरुद्ध कानुनी कारबाही प्रक्रिया अघि बढाइएको प्रहरीले जनाएको छ ।
