गजुरी खण्डमा पहिरो र खाल्डोका कारण पृथ्वी राजमार्ग एकतर्फी : मौसम खुलेपछि यात्रुलाई झन् सास्ती

धादिङ। मौसममा सुधार आएसँगै दशैँ मनाएर संघीय राजधानी काठमाडौँ फर्कने यात्रु र सवारी साधनको चाप ह्वात्तै बढेको छ। तर, पृथ्वी राजमार्गअन्तर्गत धादिङको गजुरी गाउँपालिका(२ छहरा क्षेत्रमा पहिरो र बिग्रिएको सडकका कारण सवारी साधनहरू एकतर्फी मात्र सञ्चालन हुन बाध्य भएका छन्।

सडक विभाग र ट्राफिक प्रहरीले आवागमन सहज बनाउन बेला(बेलामा खाल्डाखाल्डी पुर्ने काम गरिरहेका छन्। यद्यपि, सामान्य वर्षा र सडकको कुनाबाट निरन्तर बग्ने पानीका कारण सडक पुनः बिग्रिएर हिलाम्मे र जोखिमपूर्ण बन्ने गरेको छ।

चाडपर्व सकिएर राजधानी फर्कने सवारीको बाक्लो चाप र नाजुक सडक संरचनाका कारण राजमार्गमा घन्टौँसम्म लामो जाम लाग्ने गरेको छ। मौसम सफा भएर यात्रा सहज हुने आशामा निस्किएका यात्रु तथा चालकहरूले भने सडकको दुरावस्थाका कारण सास्ती खेप्नुपरिरहेको छ।
तस्बिरहरू: शंकर श्रेष्ठ