देशका प्रमुख सहरमा वायु प्रदूषण बढ्यो, विराटनगरको हावा ‘अति अस्वस्थ’

पाविलन्युज

मंसिर १, २०८३

काठमाण्डौ । काठमाण्डौ उपत्यकासहित देशका विभिन्न क्षेत्रमा वायु प्रदूषण बढेको छ । आज बिहान देशका अन्य शहरहरूको तुलनामा विराटनगरको हावा सबैभन्दा बढी अस्वस्थ मापन गरिएको छ ।

विराटनगरमा वायु गुणस्तर सूचकांक एक्यूआई २४६ पुगेको छ । जुन अति अस्वस्थकर श्रेणीमा पर्छ । विश्व स्वास्थ्य संगठनको मापदण्डअनुसार एक्यूआई १५० नाघेपछि हावा सबैका लागि अस्वस्थकर हुन्छ भने २०० नाघेपछि यो अति अस्वस्थकर बन्छ ।

आज विराटनगरबाहेक देशका अन्य प्रमुख शहरहरूमा पनि प्रदूषणको मात्रा बढेको छ । आज काठमाण्डौमा एक्यूआई १६३, वीरगन्जमा १६४, चितवनमा १५५ र नेपालगन्जमा १५१ पुगेको रेकर्ड गरिएको छ ।

No data was found

पानी पर्ने क्रम रोकिनु, वायुमण्डल स्थिर हुनु र विभिन्न ठाउँमा कृषि अवशेष जलाउने क्रम शुरु हुनुले वायु प्रदूषण बढेको हो । यसका साथै, छिमेकी देश भारतमा बढेको वायु प्रदूषणको असर पनि नेपालका विभिन्न भूभागमा देखिएको वायु गुणस्तर विज्ञहरूले बताएका छन् ।

अब सुख्खा र चिसो मौसम बढ्दै जाँदा वायु प्रदूषणको मात्रा थप उकालो लाग्ने सम्भावना हुन्छ । यसले जनस्वास्थ्यमा गम्भीर असर पार्न सक्ने भन्दै विज्ञहरूले विशेष सावधानी अपनाउन आग्रह गरेका छन् ।

बिहान र बेलुकाको समयमा सकेसम्म घर बाहिर ननिस्कन र निस्कनै पर्दा अनिवार्य रूपमा मास्क प्रयोग गर्न डाक्टरहरुको सुझाव छ ।

बालबालिका, वृद्धवृद्धा, गर्भवती महिला तथा श्वासप्रश्वास र मुटुका बिरामीहरूले विशेष सतर्कता अपनाउन चिकित्सक तथा वातावरणविद्हरूले सुझाव दिएका छन् ।

यो खबर पढेर तपाईंलाई कस्तो महसुस भयो ?
0%
😊
खुशी
0%
😢
दुःखी
0%
🤔
अचम्मित
0%
😆
उत्साहित
0%
😡
आक्रोशित
कुल प्रतिक्रिया: 0

ताजा खबर

नेपालको ऋण मुक्तिको सङ्कल्पले महालक्ष्मी विशेष साधना

कात्तिकमा सवारी नियम उल्लङ्घन गर्ने १२ हजार ९६७ चालक कारबाहीमा

बागमतीलाई योगमय प्रदेश घोषणा गर्छौः मुख्यमन्त्री थापा

‘कार्बन बजारमा संसदीय निगरानी र समुदायको लाभ सुनिश्चित हुनुपर्छ’

उदाउँदो सूर्यलाई अर्घ्य अर्पण गरेसँगै छठ सम्पन्न 

यो पनि पढ्नुहोस
पाविलन्युज