६ बैशाख, धादिङ – धादिङको निलकण्ठ नगरपालिका वडा नम्बर २ तीनघरेमा श्रीमतीले श्रीमानको हत्या गरेका छन् ।
निलकण्ठ नगरपालिका वडा नम्बर १ निवासी ४५ वर्षिय कृष्ण परियारको उनकै श्रीमती दुर्गा परियारले ढोकामा लगाउने आगलोले हानेर हत्या गरेका हुन् । नशालु पदार्थ खाएर तिनघरे स्थित एक किराना पसलमा श्रीमान श्रीमतिको विवाद भएपछि टाउकोमा अगुला प्रहार गर्दा कृष्णको मृत्यु भएको हो ।
रक्सीको मातमा रहेका श्रीमती दुर्गा र श्रीमान कृष्ण बीच पैसाको निहुँमा धकेलाधकेल हुँदा हुँदै श्रीमति दुर्गाले श्रीमानको टाउकोमा अगुलो प्रहार गरेको प्रत्यक्षदर्शीहरुले बताएका छन् । टाउकोमा गम्भीर चोट लागेर घाईते भएका कृष्ण परियारलाई उपचारको लागी सदरमुकाम धादिङवेशी ल्याईदै गर्दा बाटोमा नै मृत्यु भएको जिल्ला प्रहरी कार्यलय धादिङले जनाएको छ ।
उनीहरुको पाँच छोरा छन् । दुई भाई छोरा बैदेशिक रोजगारीमा, एक भाई कामको शिलशिलामा काठमाण्डौमा र साना उमेरका दुई भाई घरमा नै रहेका छन् ।
