धादिङ । त्रिशुली नदीमा आएको बाढीले बगाएका सवहरु धादिङमा भेटिन थालेको छ ।

जिल्ला प्रहरी कार्यालय धादिङका प्रहरी उपरीक्षक सुमित खड्काका अनुसार दिउँसो ३ बजेसम्म गल्छी गाउँपालिका महेश दोभानमा एक महिलाको, गल्छी कै कोल्फु खोला पुलनजिकै २ जना पुरुषको, सिद्धलेश गाउँपालिका-७ स्थित त्रिशूलीकै किनारमा एक शव, बेनिघाट रोराङ गाउँपालिका बेनिघाट बजार नजिकै त्रिशूली किनारमा २ महिलाको शव फेला परेको हो ।

अन्य स्थानहरुमा पनि शव भेटिएका छन् । खोजी तिब्र पारिएको छ ।

धादिङमा अहिलेसम्म ७ जनाको उद्धार भएको प्रहरीले जनाएको छ। उद्धार गरिएका घाइतेहरूलाई स्थानीय अस्पतालमा उपचारका लागि लगिएको छ।