सुन-चाँदीको भाउ घट्यो , आज कतिमा हुँदैछ किनबेच ?

स्थानीय बजारमा आज सुन-चाँदीको भाउ घटेको छ।

बिहीबार तोलामा तीन सय रूपैयाँ बढेको सुनको भाउ यसदिन प्रतितोला तीन हजार दुई सय रूपैयाँ घटेको हो।

नेपाल सुनचाँदी व्यवसायी महासंघका अनुसार आज सुन प्रतितोला दुई लाख ८० हजार तीन सय रूपैयाँमा किनबेच भइरहेको छ।

यस्तै, शुक्रबार चाँदीको मूल्य पनि घटेको छ। बिहीबार सुन प्रतितोला दुई लाख ८३ हजार पाँच सय रूपैयाँमा कारोबार भएको थियो।
बिहीबार प्रतितोला तीन हजार नौ सय ३० रूपैयाँमा कारोबार भएको चाँदी यसदिन तोलामा तीन हजार आठ सय २५ रूपैयाँमा किनबेच भइरहेको छ।

यो मूल्य अघिल्लो दिनको तुलनामा प्रतितोला एक सय पाँच रूपैयाँ घटेको हो।