इजरायली बस्तीका बासिन्दाको आक्रमणबाट प्यालेस्टिनी किसान प्रभावित

राष्ट्रिय समाचार समिति

मंसिर ५, २०८३

पश्चिम किनारमा जारी जैतुनको फसल सङ्कलनका क्रममा इजरायली बस्तीका बासिन्दाले गरेका ४०० भन्दा बढी आक्रमणबाट मानवीय क्षति हुनुका साथै ४ हजारभन्दा बढी जैतुनका रूख तथा बिरुवामा क्षति पुगेको संयुक्त राष्ट्रसंघका मानवीय सहायता निकायहरूले जनाएका छन्।

संयुक्त राष्ट्रसंघको मानवीय मामिला समन्वय कार्यालय (ओसीएचए) ले शुक्रबार सार्वजनिक गरेको पछिल्लो अवस्थासम्बन्धी प्रतिवेदनमा यस वर्षको जैतुन फसल सङ्कलन अवधिमा भएका आक्रमणको सङ्ख्या विगतका सबै फसल सङ्कलन अवधिको तुलनामा बढी रहेको उल्लेख गरेको छ।

प्रतिवेदनमा प्यालेस्टाइनको अधीनस्थ क्षेत्रका लागि संयुक्त राष्ट्रसंघीय मानवीय सहायता टोलीलाई उद्धृत गर्दै यस वर्ष पश्चिम किनारमा जैतुन सङ्कलन गर्ने किसान तथा उनीहरूको कृषि उत्पादनमाथि आक्रमणका घटना बढेको जनाइएको छ।

No data was found

जैतुन प्यालेस्टिनी समुदायका लागि प्रमुख कृषि उत्पादन तथा जीविकोपार्जनको महत्त्वपूर्ण आधार हो। अनुमानअनुसार ८० हजारदेखि एक लाखसम्म प्यालेस्टिनी परिवार आफ्नो आम्दानी र जीविकोपार्जनका लागि जैतुन तथा जैतुनको तेल उत्पादनमा निर्भर छन्। यस क्षेत्रले प्यालेस्टिनी कृषि क्षेत्रको कुल गार्हस्थ्य उत्पादन (जीडीपी) मा करिब १५ प्रतिशत योगदान पुर्‍याउँदै आएको छ।

जैतुनको फसल सङ्कलन प्यालेस्टिनी किसानका लागि वर्षकै महत्त्वपूर्ण कृषि गतिविधिमध्ये एक मानिन्छ। यस अवधिमा सङ्कलन गरिएका जैतुनबाट तेल उत्पादन गरी स्थानीय बजार तथा अन्य क्षेत्रमा बिक्री गरिन्छ। त्यसबाट प्राप्त आम्दानीले हजारौँ परिवारको दैनिक जीवनयापन, कृषि गतिविधि तथा स्थानीय अर्थतन्त्रलाई सहयोग पुर्‍याउँछ।

तर, बस्तीका बासिन्दाबाट हुने आक्रमण र कृषि जमिनमा पुग्न देखिने अवरोधले किसानको आम्दानी तथा उत्पादनमा असर परेको संयुक्त राष्ट्रसंघीय मानवीय सहायता टोलीले जनाएको छ।

किसानको सुरक्षा सुनिश्चित गर्न इजरायली अधिकारीहरूलाई पटकपटक आग्रह गरिए पनि त्यसको प्रभावकारी कार्यान्वयन नभएको टोलीको भनाइ छ। प्रतिवेदनअनुसार सन् २०२६ को पहिलो नौ महिनामा इजरायली अधिकारीहरूले प्यालेस्टिनी स्वामित्वका १० हजारभन्दा बढी रूखमा समेत क्षति पुर्‍याएका छन्।

यसले जैतुन उत्पादनमा निर्भर परिवारको जीविकोपार्जनमा थप चुनौती सिर्जना गरेको छ। रूखमा भएको क्षतिले तत्कालीन फसल मात्र नभई आगामी वर्षहरूको कृषि उत्पादनमा समेत असर पार्न सक्ने भएकाले किसानको आर्थिक अवस्थामाथि दीर्घकालीन प्रभाव पर्न सक्ने देखिन्छ।

संयुक्त राष्ट्रसंघीय मानवीय सहायता टोलीले इजरायली अधिकारीहरूलाई किसानमाथि हुने सबै प्रकारका आक्रमण अन्त्य गर्न, उनीहरूलाई आफ्ना कृषि जमिनमा सुरक्षित रूपमा पुग्ने वातावरण सुनिश्चित गर्न तथा आक्रमणमा संलग्न व्यक्तिहरूलाई जवाफदेही बनाउन आग्रह गरेको छ।

टोलीले कृषि उत्पादन र किसानको जीविकोपार्जनको संरक्षणका लागि आवश्यक सुरक्षा व्यवस्था मिलाउनसमेत जोड दिएको छ।

यो खबर पढेर तपाईंलाई कस्तो महसुस भयो ?
0%
😊
खुशी
0%
😢
दुःखी
0%
🤔
अचम्मित
0%
😆
उत्साहित
0%
😡
आक्रोशित
कुल प्रतिक्रिया: 0

ताजा खबर

एनपिएल विजेता टोली सुदूरपश्चिम रोयल्सलाई प्रधानमन्त्रीको बधाई

एनपीएलको तेस्रो संस्करणको उपाधि सुदूरपश्चिम रोयल्सलाई

लुम्बिनीद्वारा सुदूरपश्चिमसामु १५६ रनको चुनौती प्रस्तुत

जुवातासको खालबाट ४९ जना पक्राउ

राष्ट्रपतिसँग जापानका उपमन्त्रीको शिष्टाचार भेट

यो पनि पढ्नुहोस
राष्ट्रिय समाचार समिति