धादिङको परेवाटार नजिकै भ्यान दुर्घटना, दुई जना घाइते

धादिङ । धादिङबेसीबाट मलेखुतर्फ जाँदै गरेको योद्धा भ्यान सिद्धलेक–६, परेवाटार नजिकैबाट दुर्घटनामा परेको छ । तीव्र मोड पार गर्ने क्रममा भ्यान अचानक अनियन्त्रित भई करिब ५०–६० मिटर तल खसेको प्रारम्भिक जानकारी प्रहरीले दिएको छ।

दुर्घटनामा परि भ्यानका चालक र अर्का एक जना घाइते भएका छन्। उनीहरूलाई स्थानीयवासी र प्रहरीको सहयोगमा उद्धार गरी उपचारका लागि मलेखु पठाइएको जिल्ला प्रहरी कार्यालय धादिङले जनाएको छ। दुर्घटनाको कारणबारे विस्तृत अनुसन्धान भइरहेको प्रहरीले जनाएको छ।